Smart logo med lun og luftig profil til Visit Ulstein
Like inn i sommaren forma vi logo og grafisk profil til Visit Ulstein.
Ulstein er mest kjend for industri og idrett - i dette prosjektet har vi også innlemma andre, mindre profilerte sider ved kommunen. Men om vi snakkar skipsbygging, hekkeløp og fotball eller grøn korridor, blå tindar og kvite strender - Ulstein er Ulstein. Same kor vi snur og vender på det. Dette er også spegla i logoen, som er lik begge vegar. Kreativ gjenbruk av bokstavar viser at lik form kan ha ulik funksjon. Uttrykket er reint, luftig og lett gjenkjenneleg - enkelt og varmt med hint av kultur.
Visit Ulstein sin profil er inspirert av lun sommar og sein solnedgang. Paletten gir god kontrast mellom det djupe og lette - og det varme og kjølege. Vi søkjer dei nære og gode kjenslene - varm hud, kjøleg dis, duftande lyng og buldrande floing.
Vi takkar Ulstein Næringsforum for oppdraget!
Og du; visit Ulstein!